منتديات العرب والعروبة
موضوع بعنوان :تارت التفاح و القرفة
الكاتب :Wafaa staifia
تارت التفاح بنينة بزاف نديرها دايما
حبيت نشاركم بالوصفة
نحتاج عجينة بريزي :
250غ فرينة + 150غ قطع زبدة طرية نعجنها بالاصابع حتي تولي مرملة و نزيدلها
قرصة ملح + بيضة+ نص كاس ماء باااارد
ونلمها دون عجنها و ندخلها الثلاجة مدة نصف ساعة .
نحضرو كومبوت التفاح :
عبارة عن 2حبات تفاح منزوعة القشرة ومقطعة قطع صغيرة .
من جهة اخري نحتاج نص كاس سكر نضعه في كاسرونة حتي يذوب كامل ,نضيفلو 60غ زبدة طرية وقطع التفاح ونحرك مرة علي مرة حتي يرجع يذوب السكر مرة اخري .
نبسط العجينة علي صينية الفرن وندخلها تطهي مدة 20دقيقة
ثم نخرجها و نصب كومبوت التفاح
و نزيد حبة تفاح مقطعة الي شرائح ثم نرش فوقها القرفة والسكر و ندخلها للفرن مرة اخري حتي تحمار وكي نخرجوها ندهنها بلاجولي او معجون .
ان شاء الله تعجبكم الوصفة. ... اممممممممم
سلامي
