منتديات العرب والعروبة
موضوع بعنوان :الكسكسي راهوحاضر تفضلو
الكاتب :Canopus
اليوم جبت ليكم الكسكسي على طريقة جداتي ان شاء الله يعجبكم
في صحن كبير نحطو اللحم انا درت لحم الجدي في دارنا ما نوكلوش اللحم الغنمي على جال الكوليستيرول و حوالي فنجان من الزيت وبصلتين مفرومتين و حبة طماطم مفرومة و راس ثوم مفروم و ملعقة كبيرة هريسة و زوز ملاعق كبار طماطم مصبرة وشوية حمص و ملعقة كبيرة فواح مشكل و شوية فلفل اسود و ملح حسب الرغبة و نخلط الكل مع بعضاهم باستخدام ايديك باش يتفوح اللحم مليح و بعد نحطوه في طنجرة على النار و تخليه يتقلى شوية و بعد نزيدولو الماء السخون نغمرو بيه كل المكونات و نخلوه يغلي و من بعد نزيدو حبات جزر مقشرة و مغسولة
من جهة اخري نهزو الكسكسي نتاعنا نحطوه في قصعة و نزيدولو فنجان صغير من الزيت و نفس الكمية من الماء و نفركوه مليح باصابع اليد ونصبوه في كسكاس و نحطوه فوق طنجرة المرق و نخلوه يفور و من بعد ننحوه و نرشوه بالماء و نفركوه باصابع اليد و نرجعوه مرة اخرى باش يكمل التفويرة
و قبل ما نرجعوه نزيدو للمرق نتاعنا حبات من الجريوات او الكوسة مقسومة بالطول الى نصفين و نخلوه يطيب
و من حين لحين نتفقدو المرق كان ناقص ماء نزيدولو شوية حتى لين يطيب اللحم و الخضار
كي يطيب الكسكسي و الخضار نحطو الكسكسي في قصعة كبيرة و نزيدولو الزبدة الحرة و ملح حسب الرغبة و نحركوه بمغرفة خشبية و نسقوه بشوية مرق و نخلطو مليح حتي يولي لونو برتقالي
و نهزو الخضار نشوحوهم في شوية زيت و نهزو حوالي مئة غرام زبيب نغسلوه و ننقعوه في ماء ساخن حتى يطرى
و في صحن التقديم نحطو الكسكسي و نزينوه بالخضار و الحمصو الزبيب
