السلام عليكم يا اهل الخير
هذه الكيكة مكانش لي ذاقها وماقاليش اعطيلي الوصفة بنة عظيييمة
سيدتي المشاهدة الكريمة
زعما راني في سميرة tv. نحتاجو
ل7بيض نستعملوا في الكيكة صفار البيض ممكن ديري 5 بيض لكن لازم المول مايكوونش كبير بزاف
كاس سكر / نص كاس زيت / كاس قهوة طايبة و تخلطيلها شوي نسكافيه حتى تعطيلنا نكهة مليحة
3 ملاعق كبار كاكاو / 1 خميرة كيميائية / 8 ملاعق كبار فرينة
. وللتزيين نحتاج شيكولاطة ذائبة
تخلطي المقادير مع بعض ثم دخليها للفرن حتى طيب
ومن جهة اخرى نطلعوا بياض البيض مع 7 ملاعق سكر عادي حتى نتحصل على ميرانغ
بعد ما طيب الكيكة نخلوها تبرد شوي ونحط فوقها الميرانغ ونرجعها للفرن لكن نشعلها من فوق برك حتى يحمار الميرانغ كامل لكن عسيها لانو ما يطولش لاتقولو تاني سطايفية خدعتني
وبعدها نخرجها ونضيفلها ىلشيكولاطة الذائبة من فوق وتقدم باردة احسن
وبصحتكم