ان شاءالله تكنوا بخير وعافية يا احلى اعضاء
اليوم جبت ليكم طبق مشهور ياسر في الشرقويديروه في المناسيات والاعياد و اللي هو طبق الثريدة نتمنى ينال اعجابكم
الثريدة حصريا مطبخي
دجاجة مقطعة و يندار حتى باللحم بصح بالدجاج ابهى
ثريدة اللي تعرف ديرها في الدار والا راهي متواجدة بكل المحلات التجارية واسمها شخشوخة شرقية
فلفل اسود و فواح وملح
بصل كبيرة وراس ثوم وحبيتين طماطم
ملقعة طماطم مصبرة
زيت وزبدة حرة
حمص
للتزيين
بيض مسلوق وفلفل حار مقلي
في طنجرة نحطوكمية من الزيت و نحطوالدجاج والبصل المقطع رقيق و عصير حبات الطماطم و الثوم المفروم
ونقلب الكل مع بعض و بعد نزيدو الطماطم المصبرة و الفواح و الملح و الحمص و نخلوهم على نار هادئة و بعد نزيدوله الماء الساخن ونخلوهم يطيبو على نار متوسطة
من جهة اخرى نهزو الثريدة نحطوها في اناء ونزيدولها القليل من الزيت وندلكوها بين ايدينا
نحطو قدر فيه الماء وبعدما يغلي نحطو الثريدة في الكسكاس ونحطوها تفور لمدة 10 دفائق نفرغوها في الاناء ونحاولو نفرقوها بملعقة ونرشوها بمقدار ماء عادي ونخلوها تشرب شوي ونعاودو نردوها تفور فوق الكسكاس مدة 5 دقائق اخرين ونعاودو معاها نفس الكرة كيما درنا المرة الاولى و نعاودو هاذالعملية ثلاث مرات
كي يطيب الدجاج نحوه و نحمروه في الفرن و نهزو الثريدة نزيدزلها ثلثي كمية المرق ونخلوها على نار هادئة باش تتشرب وندهنوها بالزبدة الحرة ونزينوها بالدجاج و الحمص و البيض و الفلفل
