ان شاء الله تكونو بخير و عافية 
 

اليكم ورشة خياطة قفطان بسيط 
 

نبداو بالفصالة فقط نبهكم ان القماش نقصوه على زوج جيهة الظهر و جيهة الامام و الامام يكون مفتوح من الجهتين و نزدولو2سم من جيهة الصدر يمينا و يسارا 
 

و هذو الذراعين و راهو خصني القماش لهذا زدتلو من تحت

و هذو الزيتونات كان من المفروض نشري 3 الوان و لكن ما لقيتش التيني 

و قبل ما نبدا نغير كرسي الماكينة بهذا الي في الصورة و راح يساعدنا كثيرا في خياطة الكردون بشكل متقون ..راني شريتو ب200دج 

اولا الكردون و لازم نخيط داير ساير على القندورة و لكن من الجهة الخلفية للقماش و مبعد نقلبو 












بعد ما تخيطي الدرعين بنفس الطريقة خيطي كامل الجوانب 
راني ما صورتش هذه المراحل الاخيرة و لكني اظنها مفهومة 

هنا نلمو الجانبين الايسر و الايمن بالابرة و ملاحظة هنا الي بغات دير الاضراس مكان لخياطة اليك هذا الرابط و ستجدون كل التفصيل ان شاء الله 
https://www.youtube.com/watch?v=suGuXSM_-lk


و هذه الصورة الاخيرة للكتف و الذراع 
نتمنى اني افادتكم و لو قليلا  و الي تسقسي علاش خيطت بالاسود ؟؟؟؟
لان مشينتي سعات نبغي نديرلها هاكا  تهبلني و هي الي تخير الخيط  
واش تحبو راهي تتقلش عليا  
ترقبو مني مزيد من الاعمال ان شاء الله و الي عندها سؤال راني هنا غير ما تحشمش