اهلا بكم
جبتلكم طريقتي في عمل البراج
اولا مع الوصفة
2كيلات و نصف دقيق متوسط
1 كيلة سمن ذائبة و باردة
ملح
ماء
غرس منقي و معجون مليح
حكي بين يديك الدقيق و السمن مليح
بعدها رشي الماء و لمي العجينة بدون ما تعجنيه
لان لو عجنتيه ما يصلحلكش
تقرصي 2 قرصات
حطي قرصة عجينة ثم الغرس و غطيها بالعجينة الي بقات
بعدها اطرحيها حتى تتحصلي على العلو الي حبيتيه
قصيه و طيبيه
و انا شخصيا نطيبو في طجين انتاع حديد و تحتو انتاع الطين
اسفة صورتلكم لكن الصورة مذبالة ههههه
و هذه النتيجة النهائية
ان شاء تكون عجبتكم هذه الوصفة التقليدية
الان البراج راهو اشكال و اشكال
في امان الله