السلام عليكم ورحمة الله 

بدون أي إطالة يا أعضاء المنتدى حبيت نفرغ قلبي ونحكيلكم على حالتي 

انا راني مخطوبة لإنسان أقل ما يقال عليه أنه رجل مثالي الحمد لله متدين على درجة رفيعة من العلم بهي الطلعة والأهم أخلاقه الرفيعة التي ما تزيده إلا رقيا 

أنا وهو ارتبطنا عن حب واحترام وتعاهدنا باش نحاربو حتى للدقيقة الأخيرة وما نخليو حتى واحد يوقف في طريق  العلاقة ديالنا ولكن المشكل هو منذ أيام راحت يما وخالي 

باش يشوفو وين راني رايحا نعيش وملي ولاو للداروهوما يقولولي باللي المكان بعيد جدا ومعزول ودار العايلة ماشي ساهلة وخالي قالي لازم تأجلو عرسكم وتخدمو باش 

تكريو دار وحدكم وتعيشو قدام يماك وإلا مانقبلش نمدك يما تبكي وتقولي يا بنتي أنتي الوحيدة ديالي وباش تعيشي في دشرة بعيدة هادي منقبلهاش على الرغم من أنو خطيبي

وعايلتو ناس محترمين وطيبين وأنا نعرف أنو علاقة خطيبي بأهلو  قوية ومانقدرش نفرض عليه يخليهم ويجي يسكن في المنطقة ديالنا إضافة إلى غلاء المعيشة وصعوبة 

إيجاد منزل للكراء بمبلغ معقول وفي نفس الوقت مانحبش نغضب يما ونروح نعيش في منزل أهل زوجي ونخليها مقلقة عليا 

أكيد أنا حاولت بالزاف باش نقنعهم ولكن دون جدوى  و إحتمال كبير نضحي بالمستقبل ديالي وأنا وخطيبي في خاطر يما 

ما دا بيكم تعطوني رايكم وإلا تقتارحو عليا بعض الحلول إذا سمحتم 

وجزاكم الله خيرا