لازم نعرفو تعريف الكناية 
هي : تعبير استعمل في غير معناه الأصلي (الخيالي) الذي وضع له مع جواز إرادة المعنى الأصلي (الحقيقي)
وش حب يقول حب يقول الكناية عندها معنى حقيقي ومهوش هو المقصود انما الخيالي ليكون معاها يعني المعنى لبعيد 
نديرو امثلة جزائرية قبل امثلة عربية يعني حنا نستعملو الكناية بلا منحسو برك اي واحد يستخدمها في الحياة نتاعو المهم 
- مثلا راه يمشي على البيض ....هنا كناية على البطئ نقلوها ولا لا نعم نقلوها 
فلان لسانو طويل ....كناية على انه قليل تربية نقلوها نعم 
-فلان حجرة في صباط ...كناية على انه مزعج ....الخ 
راني رايح لمدينة الورود كناية على ولاية البليدة 
درك رحو نديرو امثلة بالعربية الفصحى 
- ابي يده نظيفة ...كناية عللا انه نزيه لا ياكل الرشوة مثلا .....الخ 
قال تعالى (وَيَوْمَ يَعَضُّ الظَّالِمُ عَلَى يَدَيْهِ) كناية على الندم 
فلان ألقى سلاحه (كناية عن الاستسلام)
.......الخ والامثلة كثيرة 
المهم نلاحظ معنى قريب غير مقصود وانما المعنى الملازم له الخيالي والبعيد هو المقصود هدي هي الكناية
المصدر .... rabah blaugrana